🌿نبذة عني ByeByeDesordre 🌿

أنا مريم، أم ديال جوج دراري، منين وليت أم، بديت كنحس براسي غارقة فالحوايج لي كيتجمعو فالدار، والوقت ديالي كيدوز غير فالتنظيف والترتيب
بحال بزاف ديال الأمهات، كنت كنحس براسي مرهقة ومسؤولة بزاف، حتى لواحد النهار فهمت واحد الحقيقة مهمة :كل حاجة خاصها بلاصتها بديت نتبع طريق ديال البساطة

ولكن بطريقتي : ماشي حرمان، ولكن تنظيم وترتيب كيناسب حياتي اليومية وهادشي خلاني نبدل طريقتي في تسير المنزل ديالي، ونخفف من ضغوطاتي، وربحت راحة بالي

دابا، كنقضي وقت أقل فالتنظيف والترتيب،ووليت كنعطي الأولوية لية و وليت كنخصص وقت أكثر لعائلة ديالي

🤝 كيفاش نقدر نعاونك؟

كاينين بزاف ديال الحالات لي نقدر نعاونك فيها
ترتيب وتنقية بيت معيّن (مطبخ، دريسينغ، كاراج…)🌿
تصفية حسب الفئات (حوايج، كتب، معون، لعب…)🌿
تنظيم شامل للدار وبداية جديدة🌿
تطبيق طريقة ماري كوندو فالتنظيم🌿
كنرافقك بطريقة مريحة، سهلة وبنفس الوتيرة ديالك وحسب أسلوب حياتك

شكون نقدر نعاون؟

:الخدمات ديالي موجهة لأي وحدة باغية ترتب دارها وتحس بالراحة فالمنزل ديالها
لي باغيين يستغلو المساحة ديالهم مزيان🌿
لي حاسين بالدّار عامرة وماعارفينش منين يبداو🌿
الناس لي كيمرو من تغييرات (انتقال، بيبي جديد، تغيير فالحياة)🌿
الناس لي مشغولين بزاف وباغيين يربحو الوقت 🌿

شكون نقدر نعاون؟

خدمة شخصية: أنا وياك ليد فـ ليد باش نلقاو التنظيم لي كيناسبك وساهل فالاستمرار 🌿
تنقية بلا ضغط: الهدف ماشي نرمي كلشي، ولكن نخليو الأساسي وننظمو بذكاء🌿
حلول حسب أسلوب ديال حياتك: باش الترتيب يولي عادة ومايبقاش عبء🌿
تتبع عن بعد: إلى احتاجيتي لشي مساعدة من بعد المساعدة، أنا موجودة🌿

علاش أنا؟

من بعد تجارب كثيرة، جربت وطبقت بزاف ديال طرق التنظيم لي كتناسب الحياة الواقعية
فين الوقت ناقص والنهار عامر، وكنحتاجو دار مريحة بلا ما نخسرو الطاقة ديالنا كاملة
:عاونت ناس ف عدة مواقف/تجارب مختلفة
عائلات باغيين يرتبو الدار ويسهلو الحياة اليومية 🌿
نساء باغيين يرتبو الكوزينة ولا الدريسينغ 🌿
نساء كيستعدو لاستقبال البيبي 🌿
ناس وسط تغييرات أوانتقال كيحاولو يبدلو حياتهم من جديد 🌿

الأسلوب ديالي لكل شخص، كل دار عندها خصوصياتها، وأنا كنساعدك باش تلقاي لي كيناسبك
عملية: بلا هدرة كثيرة، خدامين خطوة بخطوة 🌿
بلا حرمان: ماشي نرمي كلشي، ولكن نخليو للي مهم ونخلقو توازن 🌿
نظام مستمر: كنعاونك تخلق نظام سهل تطبقو كل نهار 🌿
دار منظمة مزيان، هي راحة نفسية ووقت قيم كل نهار 🌿
إلى بغيتي ترتبي دارك وترتاحي مع راسك، صيفطي ليا، ونتعاونومعا و نلقاو الحل لي يريحك
@ByeBye Desordre تابعيني فـ ىنستاعرام باش تكتاشفي نصائح وأفكار ملهمة